ကန္တာရဝတီတိုင်း(မ်)
မြန်မာနိုင်ငံတစ်ဝန်းတွင် COVID-19 ရောဂါပိုးတွေ့ရှိသူ လူနာ(၆)ဦး ထပ်တိုးလာပြီး ရောဂါမှ ပြန်လည် သက်သာလာကာ ရောဂါပိုး ကင်းစင်ကြောင်း အတည်ပြုခဲ့သည့် လူနာ ၄ ဦး ဆေးရုံ ဆင်းခွင့် ရရှိခဲ့ကြောင်း Covid-19 ရောဂါပိုးအခြေအနေနှင့် ပတ်သက်ပြီး ယနေ့ ဧပြီလ ၂၀ ရက်နေ့ ည ၈ နာရီတွင် ထုတ်ပြန်သည့် ကျန်းမာရေးနှင့် အားကစားဝန်ကြီးဌာနက သတင်းထုတ်ပြန်ချက်အရ သိရသည်။
မြန်မာနိုင်ငံတွင် COVID-19 ရောဂါပိုးတွေ့ရှိသူ လူနာ(၆)ဦး ထပ်တိုးတွေ့ရှိခဲ့သည့်အတွက် ယခု ဆိုလျှင် ရောဂါပိုး တွေ့ရှိကြောင်း အတည်ပြု လူနာ (၁၁၇) ဦး ရှိသွားပြီ ဖြစ်သည်။
ယင်းအပြင် လက်ရှိမြန်မာနိုင်ငံတွင် ရောဂါပိုး တွေ့ရှိသူများ အနက် ပြန်လည် ကောင်းမွန်လာသူ (၉) ဦးရှိပြီဖြစ်ကာ ၆ ဦး (Case-003၊ Case-004၊ Case- 007၊ Case-009၊ Case-021၊ Case-015) တို့ ဆေးရုံဆင်းပြီး ဖြစ်ကြောင်း သိရသည်။
မြန်မာနိုင်ငံတွင် COVID-19 ရောဂါပိုးတွေ့ရှိသူများထဲတွင် သေဆုံးသူ (၅)ဦး ရှိသည်။
