အမျိုးသမီးကဏ္ဍ
ကရင်နီအမျိုးသမီးအစည်းအရုံး (KNWO) ရဲ့ သတ္တမအကြိမ်မြောက် ညီလာခံကို ပြီးခဲ့တဲ့ ဇွန်လ ၁၁ ရက်နေ့မှ ၁၃ ရက်နေ့အထိ ပြုလုပ်ခဲ့ပြီး ညီလာခံကနေ ဥက္ကဌ နဲ့ ဗဟိုကော်မတီဝင်တွေကို ရွေးချယ်တင်မြောက်ခဲ့ကြပါတယ်။
ညီလာခံအတွင်း ကရင်နီပြည်တွင်းက နိုင်ငံရေးအခြေအနေတွေကိုလည်း ထည့်သွင်းဆွေးနွေးခဲ့ကြပါတယ်။ စစ်တပ်အာဏာသိမ်းပြီး ၂၀၂၁ ခုနှစ်ကနေ လက်ရှိအချိန်ထိ ကရင်နီပြည်မှာ အမျိုးသမီးတွေအပေါ် အကြမ်းဖက်မှုတွေဟာ အာဏာမသိမ်းခင်ကထက် ၂ ဆ ပိုများလာတယ်လို့ ညီလာခံကနေ KNWO – ဥက္ကဌ အဖြစ် ရွေးချယ်တင်မြောက်ခံရတဲ့ မော်ဖရေမြာ က ပြောပါတယ်။
လိင်ပိုင်းဆိုင်ရာအကြမ်းဖက်မှု၊ အိမ်တွင်းအကြမ်းဖက်မှု၊ ရုပ်ပိုင်းဆိုင်ရာ အကြမ်းဖက်မှု နဲ့ စိတ်ပိုင်းဆိုင်ရာ အကြမ်းဖက်မှုတွေကို အမျိုးသမီးတွေ အပေါ် ကျူးလွန်နေမှုအခြေအနေနဲ့ ပတ်သက်ပြီး ကရင်နီအမျိုးသမီအစည်းအရုံး (KNWO) ဥက္ကဌ မော်ဖရေမြာ နဲ့ ဆက်သွယ်မေးမြန်းထားပါတယ်။
