ရောကို
၁၅.၄.၂၀၁၉ ရက်နေ့ ဒီးမော့ဆိုမြို့နယ်၊ စံပြ ၆ မိုင်မှာ ကျင်းပတဲ့ (၅၁)နှစ်မြောက် ကယောအမျိုးသားနေ့မှာ လက်မှုပညာပြိုင်ပွဲ ကျင်းပခဲ့တယ်လို့ သိရပါတယ်။
ကယောတိုင်းရင်းသားမျိုးနွယ်စုများ အလုပ်အကိုင်အခွင့်အလမ်းများ ရရှိရန်နဲ့ ရိုးရာယဉ်ကျေးမှု အမွေအနှစ်များ မပျောက်ကွယ်ရန် ရည်ရွယ်ပြီး ပြိုင်ပွဲကို ကျင်းပရခြင်းဖြစ်တယ်လို့ ပြိုင်ပွဲဦးဆောင်သူလည်းဖြစ်၊ ကယောစာပေနှင့် ယဉ်ကျေးမှုကော်မတီလည်း ဖြစ်တဲ့ ဆရာမမိုဆူးက ပြောပါတယ်။
ပြိုင်ပွဲထဲမှာ ကြက်ခြင်းယက်ပြိုင်ပွဲ၊ ရိုးရာခေါင်းဖီးယက်လုပ်ပြိုင်ပွဲ၊ ခေါင်ရည်ခွက်ပြိုင်ပွဲ၊ ကျွဲချိပြိုင်ပွဲ၊ အမျိုးသား/အမျိုးသမီးဝတ်စုံယက်ပြိုင်ပွဲ၊ ရိုးရာစောင်ယက်လုပ်ပြိုင်ပွဲများ ပါဝင်တယ်လို့ သူမက ဆက်ပြောပါတယ်။
ပြိုင်ပွဲကျင်းပတဲ့နေ့မှာ ကြက်ခြင်း ၄ လုံး၊ ခေါင်ရည်ခွက် ၅လုံး၊ ခေါင်းဖီး ၄ခု၊ အမျိုးသမီးဝတ်စုံတစ်စုံ၊ အမျိုးသားဝတ်စုံ တစ်စုံ၊ ရိုးရာစောင် ၃ထည်ကို ယက်လုပ်နိုင်ခဲ့တယ်လို့ သိရပါတယ်။
