အခု အစိုးရနဲ့အပစ်ခတ်ရပ်စဲရေး ယူထားတဲ့ကာလအတွင်းမှာ တိုက်ပွဲတွေမရှိတော့တဲ့အတွက် သေနတ်တွေကို အရင်လို တစ်ရက်တစ်ခါ မတိုက်ရတော့ဘဲ တစ်ပတ်တစ်ခါလောက်ပဲ တိုက်ချွတ်ကြရတယ်လို့ သေနတ်ကို အဝတ်စနဲ့သုတ်ရင်း ပြောပြပါတယ်။
သူဟာ အရင်က မြန်မာ့တပ်မတော်မှာလည်း စစ်မှုထမ်းခဲ့ဖူးသူတစ်ယောက် ဖြစ်ပါတယ်။ အခုတော့ ကရင်နီတပ်မတော်မှာ ထမ်းဆောင်နေပါတယ်။
စစ်တိုက်တယ်ဆိုတာ နိုင်ငံနဲ့လူမျိုးကို ကာကွယ်ရတဲ့ စစ်သားတစ်ယောက်ရဲ့ တာဝန်ဆိုပေမဲ့ အခုချိန်မှာတော့ စစ်ပွဲဆိုတာကို မလိုလားတော့ဘူးလို့ ပြောပါတယ်။
