နော်ဒွေးအယ်ခူ
ကယားပြည်နယ်၊ ဖရူဆိုမြို့နယ် ၊ လောဂျာကျေးရွာအနီးရှိ တောင်ယာစိုက်ခင်းတွင်း မပေါက်ကွဲသေးသည့် ဗုံးသီးနှစ်လုံးကို စက်တင်ဘာလ ၂၃ ရက်နေ့တွင် တွေ့ရှိခဲ့ကြောင်း လောဂျာကျေးရွာအုပ်ချုပ်ရေးမှူး ဦးတီရယ် ထံမှသိရှိရသည်။
ကျောင်းသားကလေးနှစ်ဦးမှ ေတာင်ယာခင်းတွင် နွားသွားကျောင်းနေစဉ် အမှတ်၁၄ တန်းမြှင့်စစ်သင်တန်းကျာင်းမှ လေ့ကျင့်ပစ်ခတ်ခဲ့သော အဆိုပါ ဗုံးသီးကိုတွေ့ရှိခဲ့ကြောင်း အုပ်ချုပ်ရေးမှူးက ပြောသည်။
၎င်းက “အကြောင်းကြားပေးတယ် ဒီမနက်မှသွားကြည့်ရတယ် သွားကြည့်ပြီးတော့ အမှတ်အသားတွေနဲ့ လုပ်ထားတယ်” ဟုပြောသည်။
ယခင်က စစ်ရေးလေ့ကျင့်မည်ဆိုပါက စစ်သင်တန်းကျောင်းမှ တာဝန်ရှိသူတို့သည် ကျေးရွာအုပ်ချုပ်ရေးမှူး ကို အသိပေးသော်လည်း ယခုနောက်ပိုင်းတွင် အသိပေးခြင်းမရှိသဖြင့် ရွာသူရွာသားများမှ စိုးရိမ်ထိတ်လန့်နေရသည်။
စစ်ရေးလေ့ကျင့်သောနေရာသည် နေ့စဉ်သွားလာနေသော တောင်သူများ ရှိသဖြင့် စစ်လေ့ကျင့်ရေးကျောင်းမှ ယခုလို စစ်ရေးလေ့ကျင့်ပစ်ခတ်နေမှုများသည် မဖြစ်သင့်ကြောင်း လွှတ်တော်ကိုယ်စားလှယ် ဦးသဲရယ် က ဆိုသည်
” ဒီဟာတွေက တကယ်တမ်း ဒီလိုပဲဆက်လုပ်သွားမယ်ဆိုရင် ကျွန်တော်တို့အတွက် အများကြီးထိခိုက်နစ်နာမှုရှိတာပေါ့ ကျွန်တော်တို့တောင်သူလယ်သမားတွေ အလုပ်သွားတဲ့နေရာမှာ နောက်ပီးတော့ ယမ်းကနေ ပေါက်ကွဲပီးတော့မှ ထွက်လာတဲ့အနံ ့အသက်တွေကလည်း တစ်ဖက်တစ်လှမ်းကနေ ကျန်းမာရေးရှုထောင့်ကနေ ကြည့်မယ်ဆိုရင် ထိခိုက်မှုရှိလာနိင်တဲ့ အနေအထားမျိုး ရှိလာမယ်ဆိုရင်တော့ မကောင်းတော့ဘူးပေါ့နော ဒီအပေါ်မှာလည်း ပြည်သူလူထုတစ်ယာက်လုံးအနေနဲ့ သိသင့်တာပေါ့ နောက် ဒီလိုကျန်းမာရေးရှုထောင့်ကနေဆိုလို့ရှိရင်လည်း သုတေသနပြုပီးတော့ ဒါမဖြစ်သင့်ဘူးဆိုရင်လည်း
တာဝန်ရှိတဲ့ပုဂ္ဂိုလ်တွေကလည်း အလေးထားဆောင်ရွက်ပေးဖို့ ကျွန်တော်အနေနဲ ့ အကြံပြုတာပေါ့” ဟု ဦးသဲရယ်က ဆိုသည်
အမှတ်၁၄ တန်းမြှင့်စစ်သင်တန်းကျောင်းမှ လေ့ကျင့်ပစ်ခတ်ခဲ့သော လက်နက်ကြီး လက်နက်ငယ်များမှ မပေါက်ကွဲဘဲ ကျန်ခဲ့သော ဗုံးသီးများကို မကြာခဏ တွေ့ရတတ်ပြီး ကလးများမှာ မသိရှိဘဲ သွားကိုင်မိသောကြောင့် ပေါက်ကွဲမှုများ ဖြစ်ပွားခဲ့ရကြောင်း ၎င်းထံမှ သိရသည်။
လောဂျာကျေးရွာအုပ်ချုပ်ရေးမှူးမှ အဆိုပါ ဗုံးသီးတွေ့ရှိမှုကို သက်ဆိုင်သည့် အမှတ် ၁၄ တန်းမြှင့်စစ်သင်တန်းကျောင်းကို အသိပေးသွားပြီး ဖယ်ရှားခိုင်းမည် ဖြစ်ကြောင်း သိရသည်။
