စေးရှာဖော
သက်ကယ်နဲ့မိုးထားတဲ့ တဲအိမ်လေးအောက် မီးဖိုပေါ်မှာ ပြုတ်ထားတဲ့ သကြားပြောင်းဖူးဝါလေးတွေကို အဖွားက ပြောင်းဖူးအိုးကိုကြည့်လိုက် ဝယ်သူတွေကိုရောင်းလိုက်နဲ့ အဖွားတစ်ယောက် အလုပ်ရှုပ်နေပါတယ်။ အဖွားရဲ့ ပြောင်းဖူးရောင်းတဲ့နေရာကတော့ ဒီးမောဆို-လွိုင်ကော် လမ်းမကြီးဘေးမှာရှိပြီး ဒီးမောဆို အဝင် ဆိုင်းပုဒ်ရှေ့နားလေးမှာ ရှိတာဖြစ်ပါတယ်။
တဲအိမ်လေးတစ်လုံးနဲ့ ပြောင်းဖူးပြုတ်ရောင်းနေတဲ့ အဖွားကတော့ အသက် ၇၀ ဝန်းကျင် ရှိပြီဖြစ်တဲ့ အဖွား ဒေါ်မာရိယာ နုနုရဲ့ ပြောင်းဖူးပြုတ်ဆိုင်ပဲဖြစ်ပါတယ်။ သူ့ရဲ့ ပြောင်းဖူးပြုတ်ကို ရောင်းလာတာ ၅ နှစ်ဝန်းကျင်ရှိပါပြီ။ ပြောင်းဖူးပြုတ်ကို သုံးလုံး တစ်ထောင်နဲ့ ရောင်းနေတာဖြစ်ပါတယ်။
လက်ရှိမှာတော့ ပြောင်းဖူးပြုတ်ရောင်းတဲ့ တဲအိမ်နောက်က ပျဉ်ထောင်အိမ်မှာ နေနေတာဖြစ်ပါတယ်။
