ကန္တာရဝတီတိုင်း(မ်)
မြန်မာနိုင်ငံတစ်ဝန်းတွင် COVID-19 ရာဂါပိုးတွေ့ရှိသူ လူနာ(၁၀၇)ဦး၊ သေဆုံးသူ ၅ ဦးနှင့် ပြန်လည်သက်သာသူ ၅ ဦး ရှိပြီဖြစ်ကြောင်း Covid-19 ရောဂါပိုးအခြေအနေနှင့် ပတ်သက်ပြီး ယနေ့ ဧပြီလ ၁၉ ရက်နေ့ မနက် ၇ နာရီတွင် ထုတ်ပြန်သည့် ကျန်းမာရေးနှင့် အားကစားဝန်ကြီးဌာနက သတင်းထုတ်ပြန်ချက်အရ သိရသည်။
ယင်း ထုတ်ပြန်ချက်ထဲတွင် ယမန်နေ့ ည ၉ နာရီ နောက်ဆုံး ထုတ်ပြန်သည့် အချက်အလက်များအရ ၁ နှစ်ခွဲ ကလေးငယ် တစ်ဦး အပါအဝင် မြန်မာနိုင်ငံတွင် ရောဂါပိုး တွေ့ရှိသူ (၉၈) ဦးသာ ရှိခဲ့သော်လည်း ယနေ့ နံနက် ၇ နာရီ ထုတ်ပြန်ချက်အရ ၉ ဦး ထပ်တိုးကြောင်း ပါရှိသဖြင့် ရောဂါပိုး တွေ့ရှိသူ (၁၀၇) ဦး ရှိသွားခြင်း ဖြစ်သည်။
လက်ရှိမြန်မာနိုင်ငံတွင် ရောဂါပိုး တွေ့ရှိသူ (၁၀၇) ဦးအနက် သေဆုံးသူ (၅)ဦးနှင့် ပြန်လည် ကောင်းမွန်လာသူ (၅) ဦး( ၂ ဦး ဆေးရုံဆင်းပြီး) ရှိပြီ ဖြစ်သည်။
