ကန္တာရဝတီတိုင်း(မ်)
ဒီကနေ့ စက်တင်ဘာလ ၁၄ ရက်နေ့ နံနက်ပိုင်းမှာ ဖရူဆိုမြို့နယ်အတွင်း ကဒါးလားကျေးရွာအနီးတစ်ဝိုက်မှာ ကရင်နီတပ်မတော်(KA)၊ ကရင်နီအမျိုးသားကာကွယ်ရေးတပ်(KNDF) ပူးပေါင်းတပ်နဲ့ စစ်ကောင်စီတပ်တို့ တိုက်ပွဲဖြစ်ပွားခဲ့ရာ တိုက်ပွဲအတွင်း KNDF မှ တပ်ဖွဲ့ဝင်နှစ်ဦးကျဆုံးသွားခဲ့တယ်လို့ KNDF-BO1 Dee Maw Soe Zone က သတင်းထုတ်ပြန်ပါတယ်။
ကျဆုံးသူ ၂ ဦးမှာ ကျောင်းဆရာဖြစ်တဲ့ မောင်ဆီမိုးနယ် (ခ) အောင်နိုင် နဲ့ မောင်ပီတာ ဖြစ်တယ်လို့ သိရပါတယ်။ တိုက်ပွဲအတွင်း KNDF မှ ကျဆုံးမှု၊ ထိခိုက်မှုရှိခဲ့သလို စစ်ကောင်စီတပ်မှလည်း သေဆုံးမှု၊ ထိခိုက်မှု ရှိတယ်လို့ သိရပါတယ်။
၃နာရီကျော်ကြာ တိုက်ပွဲဖြစ်ပွားခဲ့ပြီး စစ်ကောင်စီတပ်မှ လက်နက်ကြီးတွေနဲ့ ပစ်ခတ်မှုရှိခဲ့သလို နီးစပ်ရာ ကျေးရွာမှ ဒေသခံတွေလည်း ဘေးလွတ်ရာ ထွက်ပြေးတိမ်းရှောင်ခဲ့ရပါတယ်။
