ကန္တာရဝတီတိုင်း(မ်)
ကယား(ကရင်နီ)ပြည်နယ် ကျေးလက်ဒေသဘက်မှာ ကျန်းမာရေးစောင့်ရှောက်မှုအပိုင်းမှာတော့ ပြည်သူတွေက ကရင်နီနယ်လှည့်ကျန်းမာရေး အဖွဲ့ကနေ ဖွင့်လှစ်ထားတဲ့ ဆေးပေးခန်းမှာပဲ အဓိက အားကိုးအားထားနေကြရတယ်လို့သိရပါတယ်။
အမျိုးသားဖြစ်သူက အရိုးကင်ဆာနဲ့ အိပ်ယာထဲမှာလှဲနေပြီး အခုလို နိုင်ငံရေးမတည်မငြိမ်မှုကြောင့် ဆေးခန်းတွေဘာတွေဆက်ပြီး သွားပြဖို့ မဖြစ်နိုင်သေးတာကြောင့် ရွာမှာပဲ ဆေးကုသနေရပါတယ်လို့ ဒေါ်တကလဲကျေးရွာမှ ဒေါ်မာရိက ပြောပါတယ်။
“ဒီဆေးခန်းမှာပဲဘာဖြစ်ဖြစ်သူ့စာအုပ်နဲ့သူ ဒီမှာလာပြတာပေါ့။ သူတို့က ဆေးတွေဘာတွေပေးပြီး သူဘာသာသူ ကုသပေးနေတာပါ။ ပြီးရင်တော့ လွှဲစရာရှိရင်လွှဲပေးတယ်။ ထိခိုက်ဒဏ်ရာတွေ နဲ့ ရိုးရိုး ဖျားနာတွေ ၊ မီးဖွားတာတွေ ၊ ဝမ်းပျက်ဝမ်းလျော၊ ယားနာ ကရင်နီနယ်လှည့်ကျန်းမာရေး ဆေးခန်းမှာ ပဲပြသနေကြတာဖြစ်ပါတယ်”လို့ ဒေသခံတွေက ပြောပြပါတယ်။
ယားနာဖြစ်တာတွေလာပြကြတယ်။နောက်ပြီးကလေးမွေးတဲ့သူလာတယ်။ ဒီမှာမမွေးပေးနိုင်ရင် မြို့ပေါ်ကိုလွှဲပေးတယ်။ အခုလို ရွာတွေမှာရှိတဲ့ ကရင်နီနယ်လှည့်ဆေးပေးခန်းတွေမှာတော့ မီးမဖွားနိုင်လို့ အရေးပေါ်ခွဲစိတ်ရမည့်မွေးလူနာတွေ၊ တျခား အရေးပေါ်လူနာတွေကိုတော့ သက်ဆိုင်ရာ မြို့ပေါ်မှာရှိတဲ့ ဆေးပေးခန်းတွေကို တဆင့်လွှဲပေးပြီး ဆေးကုသမှုခံယူကြတယ်လို့သိရပါတယ်။
ဖရူဆိုမြို့နယ် ကေးလျားကျေးရွာအုပ်စု ဒေါတကလဲကျေးရွာရှိ ကရင်နီနယ်လှည့်ကျန်းမာရေးဆေးပေးခန်းမှာတော့ ၎င်းကျေးရွာအပါအဝင် နီးစပ်ရာကျေးရွာ အသီးသီးက ဒီဆေးခန်းမှာပဲ အားလုံးက ဆေးခန်းလာပြကြတယ်လို့ သိရပါတယ်။
ကျေးလက်ဒေသတွေဘက်မှာတော့ ကျန်းမာရေးစောင့်ရှောက်မှုအနေနဲ့ ကရင်နီနယ်လှည့်ကျန်းမာရေးအဖွဲ့တွေရှိသလို ၊ လူထုကျန်းမာရေးနှင့် ဖွံ့ဖြိုးရေးကွန်ယက် (CHDN) အဖွဲ့ တွေကလည်း ကျန်းမာရေးစောင့်ရှောက်မှုလုပ်ငန်းတွေ ဆောင်ရွက်နေကြတာတွေရှိပါတယ်။
