ကယားပြည်နယ် ဝန်ကြီးချုပ်ဟောင်း ဦးအယ်လ်ဖောင်းရှိုနဲ့ ရွေးကောက်ပွဲမှာ ပြိုင်ဘက်ဖြစ်တဲ့ ပြည်ထောင်စုကြံ့ခိုင်ရေးနှင့်ဖွံ့ဖြိုးရေးပါတီက ဦးနှင်းဝေ ကို ရွေးကောက်ပွဲကော်မရှင်က ကိုယ်စားလှယ်လောင်းကနေ ပယ်ချလိုက်တယ်လို့ သိရပါတယ်။
ဦးနှင်းဝေက ပြည်နယ်လွှတ်တော်ရွေးကောက်ပွဲဥပဒေပုဒ်မတချို့နဲ့ ငြိစွန်းနေတဲ့အတွက် ပယ်ချခံရတာဖြစ်တယ်လို့ ရွေးကောက်ပွဲကော်မရှင်အဖွဲ့ခွဲ ကယားပြည်နယ်အတွင်းရေးမှူး ဦးကျော်ဆန်းဝင်း က ကန္တာရဝတီတိုင်းမ်ကို အောက်တိုဘာလ (၁၃)ရက်နေ့မှာ ပြောကြားခဲ့ပါတယ်။
