ကယား(ကရင်နီ)ပြည်နယ်အတွင်း ဖြစ်ပျက်နေတဲ့ အဖြစ်အပျက်တွေနဲ့ တိုင်းရင်းသားလူမျိုးစုတွေရဲ့အသံတွေကို ကန္တာရဝတီတိုင်း(မ်)သတင်းဌာနက ကရင်နီဘာသာနဲ့ ထင်ဟပ်တင်ဆက်ထားတာ ဖြစ်ပါတယ်။ – ကယားပြည်နယ်ဝန်ကြီးချုပ် ဦးအယ်လ်ဖောင်းရှိုကို စွပ်စွဲပြစ်တင်ဖို့ လက်မှတ်ရေးထိုးပြီး ပြန်နုတ်ထွက်သွားတဲ့ ပြည်နယ်လွှတ်တော်ကိုယ်စားလှယ် ဦးသိန်းအောင် (ခ) စဲရယ် ကို ပုဒ်မ ၃ ခုနဲ့ တရားစွဲဆိုသွားမယ်လို့ ကယားပြည်နယ်လွှတ်တော်ဥက္ကဋ္ဌက ပြောပါတယ်။ – ကယားပြည်နယ် ဘောလခဲမြို့ နန်းဖဲသာယာကုန်းရပ်ကွက်မှာ ပါတီလေးခုရဲ့ဆိုင်းဘုတ် ဖျက်ဆီးခံခဲ့ရပါတယ်။ – ဝက်မွေးမြူရေးခြံရဲ့ အညစ်အကြေးတွေ သောက်သုံးရေကန်ထဲ စိမ့်ဝင်လာတဲ့အတွက် ဒေသခံတွေ စိုးရိမ်နေကြပါတယ်။
