ကယားပြည်နယ်လွှတ်တော်အတွက် ပထမဆုံး အမျိုးသမီးကိုယ်စားလှယ်လောင်း ၂ ဦး မဲအနိုင်ရရှိခဲ့ပါတယ်။

ကယားပြည်နယ် ပြည်နယ်လွှတ်တော်မှာ ဝင်ရောက်ယှဉ်ပြိုင်ကြတဲ့ အမျိုးသမီးကိုယ်စားလှယ်လောင်းတွေထဲက KySDP ကတစ်ဦးနဲ့ USDP ကတစ်ဦး အနိုင်ရရှိခဲ့တာဖြစ်ပါတယ်။

ကယားပြည်နယ် ပြည်နယ်လွှတ်တော်မှာ ပထမဆုံး အမျိုးသမီးကိုယ်စားလှယ် ဖြစ်လာကြတော့မှာဖြစ်ပါတယ်။

အနိုင်ရရှိခဲ့တဲ့ အမျိုးသမီးကိုယ်စားလှယ်လောင်း ၂ ဦးကတော့ ဖရူဆိုမြို့နယ် ပြည်နယ်လွှတ်တော် မဲဆန္ဒနယ်အမှတ် ၂ မှာ ဝင်ရောက်ယှဉ်ပြိုင်တဲ့ ကယားပြည်နယ်ဒီမိုကရက်တစ်ပါတီ( KySDP )က ဒေါ်အယ်ဗလင်း၊ ရှားတောမြို့နယ် ပြည်ထောင်စုကြံ့ခိုင်ရေးနှင့်ဖွံ့ဖြိုးရေးပါတီ(USDP) က ဒေါ်ခင်မာဝင်း တို့ပဲ ဖြစ်ပါတယ်။