တိုင်းရင်းသားအရေးဖော်ဆောင်ဖို့ တိကျခိုင်မာတဲ့ စာချုပ်စာတမ်းရှိမှသာ NLD နဲ့ ပူးပေါင်းမယ်လို့ KySDP က ပြောပါတယ်။
တိုင်းရင်းသားပါတီတွေနဲ့ ရည်မှန်းချက်တူညီတဲ့အတွက် ပူးပေါင်းဆောင်ရွက်ကြဖို့ အမျိုးသားဒီမိုကရေစီအဖွဲ့ချုပ် NLD ပါတီကနေ တိုင်းရင်းသားပါတီတွေကို ဖိတ်ခေါ်တဲ့အပေါ်မှာ ကယားပြည်နယ်အခြေစိုက်ပါတီတွေက တိကျခိုင်မာတဲ့ ကတိကဝတ်တွေ၊ စာချုပ်စာတမ်းတွေရှိမှသာ ပူးပေါင်းဆောင်ရွက်သွားမယ်လို့ ပြည်နယ်အခြေစိုက်ပါတီ ကယားပြည်နယ်ဒီမိုကရက်တစ်ပါတီ KySDP က တုန့်ပြန်ပြောဆိုလိုက်ပါတယ်။
ပင်လုံစာချုပ်ကိုတောင်မှ ပြီးခဲ့တဲ့သက်တမ်း ၅ နှစ်လုံးလုံး NLD အစိုးရသက်တမ်းမှာ တိုင်းရင်းသားတွေ တောင်းဆိုတဲ့ ဖက်ဒရယ်ကို အကောင်အထည်မဖော်ပေးနိုင်ခဲ့တာကြောင့် အခုလို ထုတ်ပြန်ချက်နဲ့တော့ အယုံအကြည်မရှိဘူးလို့ KySDP အတွင်းရေးမှူးက ပြောပါတယ်။
