ကန္တာရဝတီတိုင်း(မ်)
စက်တင်ဘာလ (၇)ရက်နေ့ကို အမျိုးသားညီညွှတ်ရေး အစိုးရ NUGက နိုင်ငံတော်အား အရေးပေါ်အခြေအနေအဖြစ် သတ်မှတ်ကြောင်း ထုတ်ပြန်လိုက်ပါတယ်။ အဲ့ဒီအပေါ်မှာ ကရင်နီအမျိုးသားတိုးတက်ရေးပါတီ KNPP အတွင်းရေးမှူး(၁) ခူးဒယ်နီယာယ်က အခုလိုပြောပါတယ်။
” ဒါကတော့ NUGလုပ်ရမယ့် အလုပ်ပဲပေါ့။ သူတို့ကတော့ D-Dayသတ်မှတ်မယ် ဆိုတာကို သူတို့ နကိုယ်ကတည်းက ကြေညာထားပြီးသား။ ဆိုတော့ အခုက သူတို့ထုတ်ပြန်ပြီပေါ့နော။ ဒါအားလုံး တစ်နိုင်လုံးအတွက်တော့ အကျုံးဝင်ပါတယ်။ “
ကရင်နီအမျိုးသားကာကွယ်ရေးတပ် KNDF ကတော့ အခုလို့ သုံးသပ်ပါတယ်။
” အဓိကကတော့ အရေးပေါ်အခြေအနေထက် D-Dayကြေညာလိုက်တဲ့အပေါ်မှာကတော့ လူထုတွေ ပိုပြီးတော့ စိုးရိမ်သွားတာရှိတယ်။ ပိုပြီးတော့ ကြောက်သွားတာ ရှိတာပေါ့။ ကျနောတို့ကတော့ ဒီ D-Dayအနေနဲ့ အဲ့လို ကြေညာတာကတော့ ကျနောတို့အတွက် အထူးအဆန်းတွေ မရှိပါဘူး။ ကျနောတို့ကတော့ ကောင်းတယ်။ ကြေညာတာလည်းကောင်းတယ် မကြေညာတာလည်းကောင်းတယ်။ ဒါပေမယ့် တိုက်စရာရှိတဲ့ဟာတွေကိုတော့ ကျနောတို့ တိုက်ရမှာပဲလေ။ “
ထုတ်ပြန်ချက်မှာ တရားမဝင် စစ်အုပ်ချုပ်ရေး ယန္တရား တစ်ခုလုံး အပြီးတိုင် ဖျက်သိမ်းပစ်ရန် လိုအပ်တဲ့အတွက် ကြေညာတာဖြစ်ပြီး ပြည်သူ့ အုပ်ချုပ်ရေးအာဏာ ပြန်လည်ထူထောင်နိုင်တဲ့အချိန်ထိ သတ်မှတ်ကြောင်းပါရှိပါတယ်။
