ကန္တာရဝတီတိုင်း(မ်)
ကရင်နီပြည်နယ်ရဲံ တစ်ချို့နေရာတွေမှာ နိုင်ငံရေးအခြေအနေကြောင့် ယခုနှစ်ရဲ့ ခရစ္စမတ်ပွဲကို ပွဲလမ်းသဘင်တွေနဲ့ မပြုလုပ်နိုင်တော့ပဲ ဆုတောင်းပွဲတွေသာ ပြုလုပ်မယ်လို့ ကက်သလစ်ခရစ်ယာန် ဘုန်တော်ကြီးတစ်ပါးက ပြောပါတယ်။
“ခရစ်စမတ်ပွဲကတော့ ဘုန်းကြီးရှိတဲ့ရွာတိုင်းကတော့ ဘုရားကျောင်းတက်ပြီး ရှိခိုးတယ်။ ဆုတောင်းပွဲပဲ လုပ်တော့မယ်။ ပွဲလမ်းသဘင်တွေ သီးချင်းလိုက်ဆိုပွဲတွေ တစ်အိမ်တက်တစ်အိမ်ဆင်းတွေ မလုပ်တော့ဘူး။”
နှစ်စဉ်ကျင်းပနေကြ ပွဲလမ်းသဘင်အတွက် ကုန်ကျစရိတ်ကိုလည်း စစ်ရှောင်တွေအတွက် လှူဒါန်းမယ်လို့ ကက်သလစ်ခရစ်ယာန် ဘုန်းတော်ကြီးတစ်ဦးကပြောပါတယ်။
“ ပွဲလမ်းသဘင်တော့ မလုပ်တော့ဘူး။ ပွဲလမ်းသဘင်အတွက် ကုန်ကျမယ့်စရိတ်တွေ ရွာရှောင်တွေမှာ သွားကူခိုင်းတယ်လေ။ အဲ့ဒီဒုက္ခရောက်တဲ့လူတွေ ငတ်ပြတ်တဲ့လူတွေပေါ့။ ပွဲလမ်းသဘင်ကတော့ မလုပ်ခိုင်းဘူးပေါ့။ အဲ့ဒီပွဲလမ်းသဘင်လုပ်မယ့်အစား ပွဲအတွက် ကုန်ကျမယ့်စရိတ်ကို ကျနော်တို့ စုပြီးတော့ အဲ့ဒီစစ်ရှောင်စခန်းမှာ သွားလှူခိုင်းတယ်လေ။ အဲ့ဒီ ဒုက္ခရောက်တဲ့လူကို။ “
စစ်ကောင်စီက အာဏာသိမ်းပြီးတော့ တိုက်ပွဲတွေ ဖြစ်ပွားနေချိန်မှာ စစ်ရှောင်နေကြရလို့ ခရစ်မတ်ပွဲတော်ကို တချို့ကတော့ စစ်ရှောင်စခန်းမှာ အကျဉ်းချုပ် ပြုလုပ်သွားကြဖို့ ရှိသလို ၊ တချို့ရွာတွေမှာတော့ ဆုတောင်းပွဲတွေလောက်သာပြုလုပ်သွားကြဖို့ရှိတယ်လို့ ဒေသခံတွေက ပြောကြပါတယ်။
ယခုနှစ်မှာတော့ ကရင်နီပြည်နယ်မှာ တိုက်ပွဲတွေကြောင့် ဘာသာရေးအဆောက်အအုံ ၇ခုကလည်း လက်နက်ကြီးတွေ ထိမှန်ပျက်စီးနေပါတယ်။
