ရှားတောတွင် ကြွက်များတောင်ယာသီးနှံများ ထပ်မံဖျက်ဆီး

ခူးဘဲရယ်

ရှား​တောမြို့နယ်​ ​မြောက်​ပိုင်​း​ကျေးရွာအုပ်​စုများရှိ စိုက်ခင်းများတွင် ကြွက်များ ထပ်မံဝင်ရောက်ဖျက်ဆီးခဲ့ပြီး နောက်နှစ်စပါးမျိုးစေ့များ ပြန်ရနိုင်ရန် အခက်အခဲရှိနိုင်ကြောင်း သိရသည်။

” ဟိုးအရင်​နှစ်​​တွေလဲ ကြုံခဲ့ရဖူးတယ်​ဒါ​ပေမဲ့ ဒီနှစ်​က အဆိုးဆုံးပဲ ခုမှ စပါး စသီးတုန်​းရှိ​သေးတယ်​ ကြွက်​​တွေ ဖျက်​လိုက်​လို့ ဘာမှ မကျန်​​တော့ဘူး​။ နောက်​နှစ်​စပါးမျိုး​တောင်​ ကျန်​ပါဦးမလားမသိဘူး” ​​ ဟု ​ဒေါမူလဲ​ကျေးရွာ​နေ ဦးထယ်​ရယ်​မှ ​ပြောသွားပါသည်​။

ရှားတောမြို့နယ် မြောက်ပိုင်းကျေးရွာအုပ်စုများသည် အသက်မွေးဝမ်းကျောင်းအဖြစ် တောင်ယာစပါးစိုက်ပျိုးခြင်းကိုသာ လုပ်ဆောင်နေကြသည်။ တောင်သူများက ကြွက်သတ်ဆေးအမျိုးမျိုးသုံးသော်လည်း ထိရောက်မှုမရှိကြောင်း သိရသည်။

“ကြွက်​သတ်​​ဆေးလဲ သုံးတယ်​ ​ဆေးလဲဖျန်​းတယ်​ ဒါ​ပေမဲ့ ​ခွေး​တွေသွားစားမိလို့ ​ခွေးပဲ​သေတယ်​ ကြွက်​အတွက်​ထိ​ရောက်​မူမရှိဘူး”ဟု ဦးထယ်​ရယ်​မှ ဆက်​လက်​​ပြောသွားပါသည်​။

​”ကျမတို့က ဒီကစပါး ဒီကဆန်​​တွေပဲစား​နေကြ ဆို​တော့ တခြားဆန်​​တွေ မစားတတ်​ကြဘူး စားရင်​လဲဗိုက်​မပြည့်​့သလိုခံစားရတယ်​ ဒါ​ပေမဲ့ ဒီနှစ်​​တော့မဖြစ်​မ​နေဝယ်​စားရ​တော့မယ်​”ဟု​ ဒေါတ​နော​ကျေးရွာ​နေ ​ဒေါ်ဆော်​မယ်​ မှ ​ပြောသွားပါသည်​။

ယခင်၂၀၁၄ခုနှစ်တွင် ကြွက်များဖျက်ဆီးမှုကြောင့် လွှတ်တော်ကိုယ်စားလှယ်မှ ကြွက်သတ်ဆေးများကို ဒေသခံတောင်သူများကို သွားရောက်ပေးအပ်ခဲ့သေးသည်။ ထို့အပြင် ကြွက်ဖျက်ဆီးမှုကြောင့် ချေးငွေများပြန်မဆပ်နို်င်သည့် တောင်သူများကို ချေးငွေများလျော်ပေးခြင်းများလည်း ရှိခဲ့သည်။

ကြွက်ဖျက်ဆီးသည့် ကျေးရွာများမှာ နန်​းအွမ်​​ကျေးရွာ၊ ​ဒေါဝယ်​​ရော​ကျေးရွာ၊ ​ဒေါမူလဲ​ကျေးရွာ၊ ​ဒေါတ​နော​ကျေးရွာနှင့် ​ဒေါ​နော်​ကလု​ကျေးရွာ စသည်​့ ​တောင်​​ပေါ်​ကျေးရွာများတွင်​ စပါးဖျက်​ကြွက်​များ ဖျက်​ဆီးခြင်​း​ကြောင်​့ စပါးစိုက်​​တောင်​သူများ အခက်​အခဲနှင်​့ကြုံ​တွေ့​နေရ​ကြောင်​း သိရှိရသည်။

၎င်းကျေးရွာများတွင် ၂၀၀၈ ခုနှစ်​တွင်​တစ်​ကြိမ်​ ၂၀၁၆ ခုနှစ်​တွင်​တစ်​ကြိမ်​ ကြွက်​ဖျက်​ဆီးမူများကြုံ​တွေ့ခဲ့ရပြီး ယခု ၂၀၁၈ ခုနှစ်​ကြွက်​ဖျက်​ဆီးမူသည်​ ပျက်​စီးမူအများဆုံးနှင်​့ အကြီးမားဆုံးဖျက်​ဆီးမှု ဖြစ်​​ကြောင်​းသိရပါသည်​။