ကန္တာရဝတီတိုင်း(မ်)
ဒီးမော့ဆိုမြို့နယ် အနောက်ဖက်ခြမ်းမှာ ယမန်နေ့ စစ်ကောင်စီတပ်ရဲ့ လက်နက်ကြီး ပစ်ခတ်မှုတွေ ရှိခဲ့ပြီး
ညနေ (၇)နာရီဝန်းကျင်အချိန် စစ်ရှောင်တစ်နေရာကို လက်နက်ကြီး ကျရောက်ခဲ့တယ်လို့ သိရပါတယ်။ လက်နက်ကြီးကြောင့် စစ်ရှောင်တဲအိမ်တစ်လုံး ပျက်စီးသွားခဲ့ပြီး လူထိခိုက်မှုတော့ မရှိခဲ့ဘူးလို့ စစ်ရှောင်တစ်ဦးက ပြောပြပါတယ်။
“ ဘယ်အချိန်လောက်လဲဆိုရင် ၇နာရီ ထိုးပြီထင်တယ်။ ကျမတို့ ဆိုင်သွားတော့ တဲမှာမရှိဘူး။ နောက် လက်နက်ကြီးကလာတော့ ကလေးက ကြောက်ပြီး တစ်ယောက်တစ်နေရာစီ သွားပုန်းကြ၊ ကျင်းလည်းမရှိတော့ သူတို့ တောင်နောက်မှာပဲ သွားပုန်းကြတာပေါ့နော။ သူတို့ လက်နက်ကြီး သုံးလုံးပစ်ပြီးတော့ ကျမတို့ camp(စခန်း)မှာ ပြန်ရောက်တော့ camp(စခန်း)မှာပဲကျတော့ တဲတစ်လုံး ထိတယ်ပေါ့။ “
အဲဒီစစ်ရှောင်နေရာ အနီးတစ်ဝိုက်တွေမှာတော့ လက်နက်ကြီး ကျရောက်တာတွေ လေကြောင်းတိုက်ခိုက်ခံရမှုတွေလည်း ရှိနေတာြဖစ်ပြီး စစ်ကောင်စီတပ်ဟာ တိုက်ပွဲဖြစ်ပွားတဲ့နေရာတွေအပြင် တိုက်ပွဲမဖြစ်တဲ့နေရာတွေမှာပါ လက်နက်ကြီး ပစ်ခတ်မှုလုပ်ဆောင်နေတာြဖစ်ပါတယ်။
ပြီးခဲ့တဲ့ ဇွန်လ (၈)ရက်နေ့မှာဆိုရင် ဘောလခဲမြို့ ၊ စောလုံကျေးရွာအုပ်စု လွယ်ဝိန်းကျေးရွာထဲ လက်နက်ကြီးကျရောက်ခဲ့ပြီး အသက် ၂၉နှစ်အရွယ် အမျိုးသားတစ်ဦး ခန္ဓာကိုယ်အပိုင်းပိုင်းပြတ်ထွက်ပြီး ပွဲချင်းပြီး သေဆုံးခဲ့ရပါတယ်။
