ကန္တာရဝတီတိုင်း(မ်)
ယနေ့( မတ်လ ၁၄ရက်နေ့) မနက် ၈နာရီဝန်းကျင်အချိန်မှာ လွိုင်ကော်မြို့တွင်း တိုက်ပွဲဖြစ်ပွားခဲ့ပြီး Loikaw PDF တစ်ဦးကျဆုံး ကျဆုံးခဲ့တယ်လို့ Loikaw PDF က ထုတ်ပြန်ထားပါတယ်။
ပြောက်ကျားပစ်ခတ်မှု ပြုလုပ်ရင်း ကျဆုံးသွားသူမှာ Loikaw PDF ရဲဘော် မျိုးအောင်( ခ ) ပေါလူဖြစ်ပြီး သူရဲကောင်းအဖြစ်မှတ်တမ်းတင်တယ်လို့ ထုတ်ပြန်ထားပါတယ်။
လက်ရှိမှာလည်း လွိုင်ကော်မြို့နယ် ထီတရိကျေးရွာဝန်းကျင်မှာ စစ်ကောင်စီစစ်ကြောင်းထိုးလာပြီး လက်နက်ကြီးတွေနဲ့ အဆက်မပြတ် ပစ်ခတ်တာလည်း ရှိပါတယ်။
ပြီးခဲ့တဲ့ မတ်လ ၁၁ရက်နေ့မှာလည်း လွိုင်ကော်မြို့နယ် လင်ဖုံးလမ်းခွဲမှာ ရှိနေတဲ့ စစ်ကောင်စီနဲ့ Loikaw PDF ၊ KNDF တို့ ၂နာရီကြာ တိုက်ပွဲဖြစ်ပွားခဲ့ပါတယ်။ တိုက်ပွဲအတွင်း စစ်ကောင်စီတပ်က ၇ယောက်ကျဆုံးခဲ့တယ်လို့ Loikaw PDF က ထုတ်ပြန်ထားပါတယ်။
